College admission-a harsatna awmte Sorkarin a ngaihtuah reng - HTE Minister

Higher & Technical Education (HTE) minister Dr R Lalthangliana chuam, Covid-19 léng vanga college hrang hranga admission chungchanga harsatna awmte chu sorkarin ngun takin a ngaihtuah reng thu House a hrilh.

Nimina Assembly session-ah Dr R Lalthangliana chuan, college admission-a harsatna awm chu college principal-te nen sawiho ṭhin tawh a nih thu sawiin, "Zirlaite zingah tu mah admission chungchanga harsatna nei lo tura a theih ang anga hma la tura hrilh an ni. A ṭul a nih chuan class shifting pawh kalpui inhuam tura ngen an ni," a ti a; private college-te pawh theihtawp chhuah tura ngen an nih thu a sawi.

Zirtirtu mamawh zualpui a kahpaha chhawrna turin Finance department-in sum mamawh turte a ngaihtuah mek tih sawiin Minister chuan, "Heng hmang hian harsatna zualpui chu inphuhru thei tura ngaih a ni. Harsatna sukiang thei tur hian college tina zirtirtu indaih lohna awmte pawh indah belh a ni," a ti.

HTE Minister chuan, zirlaite an awmna district ngeia college awm remchanga an zir theihna turin ruahmanna pawh a theih ang anga kalpui a nih thu sawiin, "Teaching faculty bakah, non teaching faculty eng emaw zat mamawh belh a ni dawn," a ti a; non teaching staff chhawr belh dan tur sorkarin a ngaihtuah mek thu a sawi.