Rastriya Poshan Maah hman ṭan a ni

Poshan Maah duangtu Poshan Abhiyaan hi March 2018-ah prime minister Narendra Modi-a'n a hawng a, Mizoramah pawh hawn ve nghal a ni. A tum ber chu - India ramah naupang ṭhanṭhu, taksa rihna leh san zawng khaikhina zâng lutuk, taksa rihna leh kum khaikhina zâng lutuk, nausen piang hlim zâng lutukte tih­hniam a ni. Naupang, nau pâi leh nau pawm laite leh hmeichhe tleirawlte thisen tlakchhamna (anaemia) laka venhim a tel bawk.

Nutrition Month chhungin Mizoram hmun tina ICDS naupang zawng zawng rih zawng leh sàn zawng lak a, nih tur ang ni pha lote thliar a, a bika chaw ṭha leh enkawlna ṭha pek tum a ni a; Covid-19 léng vanga sorkarin inkaihhruaina a siamna zâwm chungin anganwadi worker-te'n an bawhzui dawn a ni. Nu leh pate pawh a ṭul angin councelling pek a ni ang.

Nutri-Garden (Kan Wadi Huan) project hnuaiah Mizorama anganwadi centre tinah Nutri-Garden siam tura hmalak a ni a, anganwadi centre hmunhma nei lote pawh khawtlang hruaitute leh mi inphalte nen thawkhoin ruahmanna siam a ni. Nutri-Garden hnuai aṭanga huan thlai thar chhuah eng emaw zat a awm tawh a, chu'ngte chu naupangte hnenah sem ṭhin a ni.