SBI leh police-in inremna ziak
State Bank of India (SBI) leh Mizoram Police-te chuan nimin khan DGP conference hall-ah inremna thuthlung an ziak. Inremna thuthlungah hian Mizoram Police aṭangin IGP (Hqrs.) Lalbiakthanga Khiangte leh SBI aṭangin SBI, Aizawl regional manager Rakesh Kumar Ravi-te'n hming an ziak.
Inremna ang chuan Mizoram Police hnuaia thawk, chetsualna avanga nunna chán emaw, ramtui lei loa awmte chu cheng nuai 135 thleng luman pek theih a ni. He hamṭhatna nei tur hian SBI-ah salary account neih a ngai.
Mahni mai bakah chhungte tan family savings bank account pawh awmin, chetsualna avanga chhungte boral an awmin nuai 5 thleng luman pek theih a ni. Heng bakah hian hamṭhatna dang hrang hrang a awm a, loan lamah pawh ngaihhnathiamna a awm bawk.