BCM Assembly vawi 128-na

Baptist Church of Mizoram (BCM) rorelna sang ber, Assembly vawi 128-na chu March 6, 2024 aṭang khan Lunglei Electric Veng BCM Biak-inah neih a ni a, naktuk Pathianni khian a ṭiak ang. Assembly thupui chu ‘Inpumkhatna ’ (Johana 17:21) tih a ni.

Assembly rorelah hian president kalchhuak tur Rev. KV Thanga chuan president thar Rev. F Ramdinmawia hnenah president nihna a hlan a; president thar kaihhruaiin rorel a nih bakah, kum 2023 Assembly leh 2024 Assembly inkara ordained pastor pathum leh kohhran upa 70 thite sunna hun hman a ni.

Rorel inkhawma tarlan danin, kum 2023-2024 chhunga thawhlawm target cheng nuai 87.19 a ni a; April 2023 – February 2024 chhungin Rs 71,99,70,049 hmuh a ni tawh. BCM hi Area Baptist Council 17-ah ṭhen niin, Pastor bial 92 leh tualchhung kohhran 678 an awm a, Kohhran member 1,79,280 an ni. Mission Field 25-ah missionary leh mission hnuaia thawktu mi 1,343 an awm.

President-elect atan Rev. Dr C Vanlaldika, AICS principal nilai leh statistician atan Upa J Lawmsanga, Serkawn-te thlan an ni a; BCM Assembly hian Pay Commission vawi 12-na dinin, member 12 ruat nghal an ni.