MP inthlan thlirho

Saitual district election officer Dr Lalngura Tlau, bawrhsap kaihhruaiin nimin khan DC conference room-ah Lok Sabha Inthlanpui 2024-a hman tur thil man bithliahna (rate chart) chungchang sawiho a ni a; election official te leh political party hrang hrang aiawhte an tel.

MLA Inthlanpui 2023-a rate chart-te ennawn a nih bakah, Lok Sabha inthlanpui atan mamawhte chatlak lo leh hnianghnar zawka neih a nih theih nan buhfai, tuialhthei (POL) leh eirawngbawlna gas chungchangte an sawiho bawk.