PAHOSS-ah nuai 6,171 pe tawh

Urban Development & Poverty Alleviation (UDPA) changtu deputy chief minister Tawnluia chuan, Parking House Support Scheme (PAHOSS) hnuaiah cheng nuai 6,171 pek chhuah a nih tawh thu House a hrilh.

INC member Lalrindika Ralte zawhna chhangin Tawnluia chuan, "PAHOSS hnuai­ah dilna 1,407 hmuh a ni tawh a, heta ṭang hian 1,271 endik (verify) tawh a ni. Benificiary 397 hnenah PAHOSS hnuaiah LMV 6,171 emaw, two wheeler 37,026 emaw dah theihna tur ruahman nan cheng nuai 6,171 sanction a ni tawh. Document ṭul engkim tifel tawhte hnenah sum pek zel a ni," a ti.

Deputy CM chuan, first instalment dawng tawh mi 128 an awm tih tarlangin, "Mi 128 hnenah cheng nuai 826.80 pek chhuah a ni tawh. second instalment dawng tawh mi 40 awmin, cheng nuai 172.20 pek chhuah tawh a ni," a ti. Kum 2020-21 budget-a PAHOSS atana cheng vbc. 10 dah chu Lunglei, Champhai leh Kolasib atan ruahman a ni a, pek chhuah tura buaipui mek a nih thu a tarlang bawk.