Khung hran khapna thupek

Champhai DC Maria CT Zuali chuan, an district chhunga khaw ṭhenkhatah state dang emaw, red zone aṭanga rawn haw, positive contact nei si lote khung hran an awm tih hriat a nih thu a tarlang a, "Hei hian mi tam takte tan harsatna a thlen ṭhin avangin district chhungah state dang emaw, red zone aṭanga rawn haw/lo kal ni lo leh positive contact nei lote chu khung hran khap a ni," a ti.

Champhai Bawrhsap chuan, Covid-19 vei rinhlelh an awm a nih chuan DC emaw, incident commander-te hnenah rang taka thlen a, anni kaltlanga a ṭul anga hmalak tur a nih thu a tarlang a, village task force-te chu thupek chhuah ngai pawimawh a, mahni kuta thuneihna inpe chawp lo tur leh mi dang tana harsatna siam loa thuneitute ráwn chung zela hma la ṭhin turin a chah a ni.