ZPM Ṭhalai president atan Jeje Lalpekhlua, MLA ruat

ZPM president Lalliansawta chuan ZPM Ṭhalai president atan South Tuipui bialtu MLA Jeje Lalpekhlua, Durtlang a ruat. ZPM President hian an party dan buin thuneihna a pek hmangin ZPM Ṭhalai president tur hi nimin khan a ruat thar a ni.

ZPM President chuan ZPM Ṭhalai vice president atan Lalṭanpuia Zote, Bethlehem Vengthlang leh Zoramchhana Sailo, Chanmari a ruat a; treasurer atan R Lalmalsawma, Hunthar Veng a ruat bawk.