Press Tour-a kal turte vailiam
IPR department chuan MJA member-te tan Press Tour a buatsaih a, nimin zing khan IPR minister Dr Vanlalthlana'n a vailiam.
Tun ṭuma Press Tour-ah hian MJA member 15 an tel a, Aizawl aṭangin mi pariat leh district dang aṭangin mi pasarih an tel. IPR department aṭangin deputy director Malsawmsanga leh thawktu dang pakhat an tel bawk a, Tripura state chhunga hmun hrang hrang an tlawh dawn.
Dr Vanlalthlana chuan press tour chuan MJA member-te hriatna leh rilru sûkthlêkah hmasawn lehzualna a thlen ngei a beisei thu sawiin, zin turte chu an kalna hmun apiangah thil thar hriat belh tum a, hmasawnpui tum turin a chah. Chanchinbumite zin chuan state pahnih inkarah inunauna ṭha zawk a thlen theih a beisei thu a sawi bawk.
Vailiamna hunah hian IPR director C Lalnunkima leh MJA president C Lalrambuatsaiha ten thutawi an sawi bawk a ni.(Phek 2-ah zawm a ni)