DAY-NLUM Festival buatsaih

Lawngtlaia LADC Hall-ah nimin khan Urban Development & Poverty Alleviation department-in khawpuia mi harsa zawkte'n lei rem an rah theihna tura hmalakna, 'Deendayal Antyodaya Yojana - National Urban Livelihood Mission (DAY-NLUM) Festival' an buatsaih a, vawiin leh naktukah chhunzawm a ni ang.

DAY-NLUM Festival hi LADC executive secretary K Lalramliana'n a hawng a; stall 33 siam niin, DAY-NULM hnuaia self help group-te'n an thil siamte pho chhuak a ni.

Lawngtlaiah hian kum 2015 aṭangin DAY-NULM kalpui a ni a; self help group 85, area level federation pali leh thiamthil zir chhuak (certified trainee) 690 vel an awm mek.

Thiamthil zir chhuak tawhte'n sumdawnna bul an ṭan theih nan mi 125 hnenah a pung tlem chi loan pek a ni tawh a; Scheme of Shelter for Urban Homeless hnuaiah Lawngtlaia child care institution hnenah bungrua pek ṭhin a ni bawk.