Hmun pangaah EMRS hawn belh dawn

Mizoram Eklavya Model Residential School (EMRS) Society Executive Committee chuan nimin khan member secretary KT Beicho hoin Mizoram chhung hmun pangaa kumina EMRS hawn belh chungchang an sawiho. Sikul hawn thar turte chu pawl 6 leh 7 a ni a, CBSE hnuaiah zirna kalpui a ni ang.

Ṭhutkhawmah kumin chhungin Mizoram hmun paruk - Bilkhawthlir (Kolasib district), Niawhtlang (Siaha district), Tlangnuam (Aizawl district), Tlungvel (Aizawl district) leh Zawlnuam (Mamit district)-ahte EMRS hawn thar tur chungchang sawiho a ni.

EMRS hi Ministry of Tribal Affairs kaltlangin India rama tribal mite’n zirna ṭha leh rintlak an hmuh theihna tura kalpui a ni a; a thlawn vekin naupangte chu zirna kaihhnawiha an mamawhte pek ṭhin niin, a hmuna awm chilh ngai (residential) a ni.

Mizoramah EMRS paruk - Serchhip, Lawngtlai, Chawngte, Siaha, Tuipang leh Ngopa-ah din a ni tawh.