New Market sak mek sawifiah

Commerce & Industries minister F Rodingliana chuan, Aizawl New Market building sak mek pahnih zingah, CI department hnuaiah Aizawl City Annexe chu June 24, 2020-ah sak ṭan a nih thu leh UDPA department hnuaiah Aizawl Amart City Ltd aṭangin Smart City Mission hnuaiah Aizawl City Centre sak mek chu January 10, 2023-ah sak ṭan a nih thu House a hrilh.

ZPM MLA Lalchhuanthanga zawhna chhanga CI Minister sawi danin, Aizawl City Centre chu thla 36 chhunga sak zawh tura ruahman a ni a, Rs 42,83,00,000 senna tur niin, hna thawh tur zinga 31% zawh a ni tawh.

Aizawl City Centre Annexe chu thla 24 chhunga sak zawh tura ruahman a ni a, Rs 36, 41,59000 senna tur niin, 65% zawh tawh a ni.

Aizawl New Market building sak ṭhat mek hi February 13, 2024 khan a hmunah a tlawh tih sawiin F Fodingliana chuan, "Kâng ṭhelh motor tlanna leh chêt velna ruahman tel a ni lo a, thil thleng palh thei a nih avangin ruahman tel theih ni se kan duh dan a ni," a ti.