KHAWTHLIR
SRH-ah 36 awm
State Referral Hospital-ah nimin khan Covid-19 vei mi pali dah luh niin, an zinga pakhat chu ICU-ah dah nghal a ni a; rinhlelh thilah mi pahnih dah luh an ni bawk. SRH-ZMC Bulletin tarlan danin, SRH-ah hian hripui vei mi 36 enkawl mek an ni a; ICU-ah pathum, SICU-ah pahnih leh Isolation Ward-ah 31 an awm. ICU-a awmte ngaihtuahawm an ni lo.
Thisen pe
UPC (NEI) PYD, Lunglei district headquarters bial chuan nimin khan thisen pek rûnpui an huaihawt a, Lunglei Civil Hospital blood bank-ah thisen unit 25 pe.