Mizo H/S zirtirtu jail-ah dah

HSLC Examination 2024 neih meka zawhna chhuak tur ṭhenkhat zirlaite hnena suggestion anga petua puh Mizo High School zirtirtu chu police-in an man a, judicial custody-ah awmin, Central Jail-ah dah rih a ni.

Thu dawn danin, zirlaite hnena HSLC exam zawhna ṭhenkhat suggestion anga pek chungchangah hian MBSE hotute chuan police station-ah first information report (FIR) an thehlut. FIR bawhzuiin police-te chuan thil dik lo titua puh Mizo H/S zirtirtu pakhat chu an man a ni. Amah hi March 10, 2024 khan chawlh lailawktir (suspend) a lo ni tawh bawk.

School Education Minister-in nimina Assembly session-a a sawi danin, Mizo H/S zirtirtu police-in an man chu court-ah hruai a ni a, Sessions Judge a awm remchan loh avangin police-in an kawl ngawt thei lo a, jail-ah dah luh rih a ngai ta a ni.