School Education dept-ah post ruak 2,991 a awm

School Education minister Dr Vanlalthlana chuan nimin khan session-ah West Tuipui bialtu MLA Provo Chakma zawhna chhangin, School Education department-ah zirtirtu post 2,991 a ruak tih House a hrilh.

Dr Vanlalthlana chuan, post ruak hnawhkhah tumna a awm thu sawiin, "Recruitment rules leh sorkarin dan a neih sa anga lak tum a ni a, merit base-a lâk a ni ang. Zirlai leh zirtirtu awm zat inrualkhai lohna zualpui chu ngaih pawimawh hmasak phawt tum a ni," a ti.