Siaha District Jail-ah Mental Health Camp

Siaha District Legal Services Authority chuan nimin khan District Jail, Siahaah Mental Health Camp an buatsaih a, jail tángte rilru leh taksa hriselna dinhmun endik a ni.

Siaha district medical superintendent Dr C Lalrosanga chuan, hriselna chu taksa leh rilru hriselna piah lamah mi dangte nena hlim taka nunho a nih thu a sawi a, "Rilru lam hriselna hi jail tángte tan a pawimawh zual a, rilru hrisel nei turin mahni kan pawimawh," a ti a; tángte chu an thil tihsual hre reng lo a, rilru insiam thara hmasawnna kawng zawh turin a fuih.

Dr C Lalrosanga hoin jail tángte tan medical check-up a neih a ni a; District Mental Health Programme-a psychiatric nurse Merilyn MS Mawii Beiho chuan rilru hrisel nei tura thil pawimawh leh ṭangkaite a sawifiah. Clinical psychologist Lalawmpuii'n tángte rilru hriselna a endik bawk.