Thiamthil tihhmasawnna turin LESDE leh KVI thawk dun dawn

Labour, Employment, Skill Development and Entrepreneurship (LESDE) department leh Mizoram Khadi & Village Industries Board (KVIB) chuan thiamthil tihmasawnna (skill development) chi hrang hranga inpui tawn turin nimin khan thawhho dunna thuthlung an ziak.

Thuthlung hi LESDE minister Lalnghinglova Hmar pisaah LESDE secretary Lalmalsawma Pachuau leh Mizoram KVIB chief executive officer Saikungi ten an ziak a ni.

LESDE Minister chuan, "Mizo ṭhalaite'n skill development an mamawh a, hetianga thawhhona thuthlung siam a ni thei hi a lawmawm hle. Thawhhona ṭha tak an neih theih nan theihtawp chhuah a ngai a, thawhhona dang pawh a awm zel theih ka beisei," a ti.

LESDE leh Mizoram KVIB hi thawhhona thuthlung kaltlangin thiamthil tihhmasawnna tur thil chi hrang hrangah an inpui tawn dawn a; LESDE-in sorkar scheme leh programme-te a buaipui ang a, KVIB-in an training centre leh thil dangte hman theih turin an lo ruahman dawn a ni.