AR-in walkie talkie an man

Assam Rifles chuan March 11, 2024 khan Siaha district-ah indonaa hman ṭangkai tur nia hriat walkie talkie set 175 leh a kawltu Siahatla mi pahnih an man. Walkie talkie-te chu Siaha New Colony aṭanga India-Myanmar ramri lam panpui a nih laiin man a ni a, AR-te chuan police kutah an hlan. Walkie talkie an mante chu a vaiin Rs 26,00,000 hû a ni.

Assam Rifles-te hian March 11, Thawhṭanni vêk khan Myanmar lam mi pahnih hnen aṭangin Siahatla, Siaha district-ah heroin gram 182 an man a, international market-ah cheng vbc. 1.27 hû a ni. March 10, 2024 khan Champhai Zote-ah Assam Rifles sipaite'n cheng nuai 10 hû ganja an man bawk.