MP-in YMA jubilee lawmna a hmanpui

Rajya Sabha MP K Vanlalvena chuan nimin khan YMA, Rawpui Branch-in an branch golden jubilee lawmna a hmanpui a, Rawpui YMA Rûn sak thar a hawng. MP chuan, MP a nih chhungin Parliament-ah vawi 15 thu a sawi tawh tih a sawi.

K Vanlalvena chuan, Rawpui YMA-in sorkar puihna tel loa cement concrete hmanga YMA Rûn ṭha tak an sa thei chu fakawm a tih thu a sawi a; YMA chu ram leh hnam humhalhtu ber pawl tia sawi theih a nih thu sawiin, "YMA hi ram pum huapa pawl lian ber a nih bakah, India ramah pawh state dangah mi náwlpui tel theihna pawl an nei ve lem lo, hei hi Mizote kan vanneihna a ni," a ti.

Lok Sabha MP chuan, Pathianin Mizote ram a pe tih a sawi a, "Mizoram hi Pathianin hmun khatah, ram khatah min la hruai khawm ngei ang tih beisei ila, kan ram leh hnam tan hian a bik takin ṭhalai leh zirlai zawng zawngte'n theihtawpa ṭang zel turin rilru i siam thar zel ang u," tiin ṭhalaite a sáwm.