Lungleiah ruihhlo an hâl ral

YMA Sub-Headquarters, Lunglei chuan nimin khan cheng nuai 48.8 hû heroin an hâl ral a, Lunglei District MJA president H Lalthansanga'n a hâl.

Ruihhlo hâl puala inkhawm chu Lunglei Sub-Hqrs. YMA president Lalrotluanga'n a kaihruai a; H Lalthansanga chuan, mi tlawmngai leh inpete'n ram leh khawtlang tana an thawh chu ropui a tih thu sawiin, "Ruihhlo an mante hi man loh ni ta se, ṭhalai tam tak leh chhungkaw eng emaw zatin an buai phah dawn a ni," a ti a, YMA Sub-Hqrs Anti Drugs Squad (SADS) member-te chu an hmalak zelna turah duhsakna a hlân.

Nimina ruihhlo hal tâkte hi heroin hawng 61 a ni a, tualchhunga hralhna ang chuan cheng nuai 48.8 hù a ni. SADS tarlan danin, July 5, 2020 aṭanga nimin thleng khan damdawi ruih chi alprazolam mûm 268, rakzu úm 226 leh heroin hawng 107 an man tawh a ni.