Hmun 4-ah solar plant siam tum

Power & Electricity minister F Rodingliana chuan Mizorama hmun paliah ni zung chakna hmanga kawlphetha siam chhuahna, solar power plant siam tumin sorkarin hma a la a, company pahnih biak mek a nih thu nimin khan Assembly session-ah a sawi.

Champhai North bialtu ZPM member H Ginzalala leh MLA dangte zawhna chhangin F Rodingliana chuan, "Solar plant siam lamah sorkarin hma lak a tum a, company pahnih biak mek a ni. Chutih laiin, khaw tin deuh thawa solar plant dah tumna ang chi chu environment thilah a rem loh thu a tarlang.

PE Minister sawi danin, solar power plant din tumnate chu Thenzawl ramah megawatt 10 pe chhuak thei, North Vanlaiphai ramah MW 20 pe chhuak thei, Sumsuih ramah MW 5 pe chhuak thei, Saitual bulah MW 10 pe chhuak thei turte a ni.