Kawlphetha man bithliah dan tur sawiho

Joint Electricity Regulatory Commission (JERC) for the States of Manipur and Mizoram hnuaia Mizoram State Advisory Committee chu nimin khan Aijal Club-ah an ṭhukhawm a; kum 2024-25 atana kawlphetha hman man (electric bill) bithliah dan tur leh thil pawimawh dangte an sawiho.

JERC hotute hi vawiinah an ṭhukhawm leh dawn a, public hearing an nei nghal dawn a; kum 2024-25 atana power tariff bithliah thar turah mipui aṭanga ngaihdan leh sawiselna dawnte ngaihtuah a ni ang.

JERC State Advisory Committee hi Electricity Act, 2003 Section 87-in a sawi angin State Electricity Regulatory Commission hnena thuràwn pe tura din a ni a; electric licencee (Power & Electricity department) hnathawh dan leh ṭha zawka mipui hnena kawlphetha pek theih dan turah leh consumer-te hamṭhatna tur ngaihtuah chungchangah thuràwn a pe ṭhin a ni.