MP thlan atan training buatsaih

Lok Sabha inthlanpui awm tura inpuahchahna kal zelah nimin khan Champhai district election office chuan DC conference hall-ah inthlan kaihhnawih senso hrang hrang hman dan viltu Election Expenditure Monitoring hnuaia peng hrang hrangte mawhphurhna leh tih tur inhrilhfiahna hun an buatsaih.

Inhrilhfiahna hunah hian assistant expenditure observer, accounting team, video viewing team, flying squad, static surveillance team, video surveillance team leh Excise & Narcotics team-te an tel a ni.

Lok Sabha inthlanpui awm turah hian election expenditure monitoring kalpui turin Champhai district-a Assembly constituency pathumah assistant expenditure observer pathum, accounting team pathum, video viewing team pathum, flying squad pasarih, static surveillance team paruk leh video surveillance team pathum an awm dawn a ni.