Alu chìn leh enkawl inzirtir

Khawzawl Krishi Vigyan Kendra (KVK) leh ICAR-Central Potato Research Institute (CPRI), Shillong ṭang dun chuan nimin khan Khawhai Tawitawzawl zaùah ‘Field Day on Potato’ hun an hmang a, alu chin leh enkawl dan an zirtir.

Inzirtirna hun hi KVK head Dr Malsawmkimi'n a kaihruai a, Central Potato Research Institute senior scientist Dr Ngursangzuala leh NABARD district development manager Lalhmachhuani ten an hmanpui.

Tawitawzawl zaùah hian January 2023 aṭangin KVK leh CPRI chuan mi pali chu alu (kufri megha variety) an chìntir a; December 2023 aṭangin ram hectare 18 vela zauah mi 20 an chìntir leh bawk. Alu quintal 105 an chíng a, thlasik leh nipuia chìn chi - Kufri Jyoti, Kufri Pukraj leh Kufri Chipsona te an chíng a, alu quintal 500 vel thar an inbeisei a ni.