Pension hlawh chungchang zirho

Accounts & Treasuries, Southern Zone chuan nimin khan Hnahthial DC conference hall-ah Hnahthiala hlawh leh a kaihhnawih thilte khawihtu sorkar hnathawkte tan pension hlawh leh a kaihnawih thilte zirhona an buatsaih.

Accounts & Treasuries, Southern Zone joint director Thara Lungmau chuan, DDO-te tan pension chungchang hriat chian a pawimawh thu a sawi a, "Sorkarin Right to Public Services Act 2015 a ngai pawimawh a, a taka kalpui ngei a duh. He dan hian pension leh a kaihhnawih chungchang dilnaah hun bituk a pe a ni," a ti a; DDO-te chu an hnuaia thawkte'n a hun taka pension an lâk theih nan an pension hun a thlen hmain tihfel ngaite tihfel tur a nih thu a sawi.