MCC-in skill enhancement course ṭan

Mizoram Christian College (MCC) chuan National Education Policy 2020 hnuaia skill enhancement course chi khat atan Apollo School of Nursing, Aizawl thawhpuiin, zirlaite theory class leh theoritical exam an buatsaih hnuah nimin khan practical class an buatsaih.

MCC chuan, Mizoramah ni tin nun tibuai thei natna, enkawlna ṭha tak nen chuan pangngai taka nunpui theih si a tam tih tarlangin, "Mizo ṭhalai tam zawkin hemi kawnga thiamna leh hriatna zau zawk an neih hi kan ramin a mamawh avangin MCC chuan zirlaite tan he course hi a thlang a ni," an ti.

MCC hian skill enhancement course atan mobile repairing, spoken Hindi, creative writing skill-te an thlang tel a; MIMA Foods, Tlangnuamah pa (mushroom) khawi dan leh enkawl dan a takin an inzirtir mek bawk.