Lungleiah mimal damdawi-inte enfiah
Lunglei additional DC James Miahlung kaihhruai Inspection Team on The Mizoram Clinical Establishments (Registration & Regulation) Act & Rules, 2014 chuan nimin khan Lunglei khawpuia mimal damdawi-in, clinic leh diagnostic laboratory-te an enfiah.
Lunglei District Registering Authority (DRA)-in a rêl tawh angin endikna hi kalpui a ni a; private hospital, clinic leh diagnostic laboratory-te chu The Mizoram Clinical Establishments (registration & Regulation) Act & Rules, 2014-in a phût ang zawm leh zawm loh endik a ni.
Endikna hi vawiinah chhunzawm leh tur a ni a, hun remchang hmasaah Lunglei district-a private clinic nei/hawngte koh khawm a, thil pawimawhte inhrilhfiahna hun buatsaih leh tum a ni.
The Mizoram Clinical Establishments (Registration & Regulation) Act & Rules, 2014 hian sorkar leh mimal damdawi-in, clinic leh diagnostic laboratory-te inziah luhna tur a siam a; danin a tum ber chu mipui tana hriselna lama inenkawlna tur hmun rintlak leh him, thiamna dik tak nei doctor, nurse leh technician-te enkawltir a ni.