Policy Coordination Committee ṭhukhawm

Mizoram State Policy Coordination Committee chu an chairman Lalduhoma, chief minister hoin nimin khan Chief Minister's Office Meeting Room-ah an ṭhukhawm a, hnathawh dan tur hrang hrang an rêl.

Ṭhutkhawmah hian Mizo-ram State Policy Coordi-nation Committee vice chairman Dr KC Malsawmzauva, adviser to CM chuan, hmalak dan tur ruahmante a tarlang a; Committee vice chairman RL Rinawma, IRS (Rtd) chuan project endik theih an khawn khawm tawh te, endik dan kalhmang tur an duante leh team hrang pathuma an inṭhendarh dante a sawifiah bawk.

Sorkar thuchhuah tarlan danin, ṭhutkhawmah hian Hand Holding Policy kaihhnawih department turte thlangin, a rang lama ṭhutkhawmpui ni se, an ti. Mizoram sorkar chuan Hand Holding Policy atan sorkar kum thar budget-ah cheng vbc. 200 a dah a, kumin hi insawhngheh kum (year of consolidation) a nih avangin pilot project angin kalpui phawt tur a ni.

Mizoram State Project Monitoring Committee chuan, Mizorama hmasawnna hna thawk mektu contractor zawng zawng chu ṭha taka Monitoring Committee thawhpui turin a sáwm a; mipui pawh an khua leh venga hnathawh mekte ṭha tawk loa an hriat chuan Committee-ah thlen ṭhin turin an ngen bawk.