Minister-in Vaivakawn bazar a enfiah

Urban Development & Poverty Alleviation (UDPA) minister K Sapdanga chuan nimin zing khan Vaivakawn Bazar tlawhin, a hmunhma leh bazar chhung a enfiah.

K Sapdanga hian khawtlang hruaitute nen RK Road, Vaivakawn siamṭhat dan tur leh mipui tana kawng awlsam zawk siam dan tur an enho a; Vaivakawn Local Council leh YMA hruaitute'n Vaivakawn bazar kaihhnawiha harsatna hrang hrang an lo thlen.

Vaivakawn Conference Hall-a inkawmhonaah K Sapdanga chuan, inlungrual a pawimawh thu sawiin, mipui leh sorkar an ṭanho a ṭul thu a sawi.

UDPA Minister hi bialtu MLA Lalnghinglova Hmar, minister of state leh MLA W Chhuanawma ten an ṭawiawm a ni.