Kuhva chíngtute'n kuhva rah an man

Bilkhawthlir leh a chhehvel khuaa kuhva rah chingtu, dan loa kuhva tawlh rûk vengtute chuan March 14, Ningani zan dar 11 vel khan truck pakhat aṭangin dan loa lak luh kuhva rah ip 70 an man.

Bilkhawthlir aṭanga thu dawn danin, kuhva chíngtute hian Bilkhawthlir dáiah Ashok Leyland 1,109 truck pakhat lo tidingin an lo endik a ni. Truck chu a body siam danglam niin, chutah chuan kuhva rah an hmu chhuak a ni. Lirthei khalhtu chu lirthei chahbi nen a tlanbo nghal.

Truck-ah hian tih din a nih laia registration number intâr bakah a chhungah registration plate dang, number hran vek hmuh a ni. Kuhva mantute chuan kuhva rah an man thu Vairengte police an hrilh a, police hnenah an hlan zui a ni.