NCC cadet tiṭha chawimawina dawng

Hmarchhak state hrang hrang zirna-ina NCC cadet ti ṭha (best performance)-te chawimawinaah T Romana College chuan Best College lawmman an dawng a; St John's Higher Secondary School, Kolasib-in Best School lawmman an dawng bawk.

March 14, Ningani khan Guwahati Brahmaputra Hall-a NCC North East Region Directorate Awarding Ceremony-ah NCC cadet, ANO, girls cadet instructor leh PI staff ti ṭhate hnenah chawimawina hlan a ni a; India rama NCC hotu ber, director general Lt.Gen. Gurbilpal Singh-in a hmanpui.

Chawimawina hlannaah hian Serchhip College-a NCC flying officer Dr Lalrintluanga Sailo chuan Best ANO (Male) a dawng a, St John HSS-a NCC third officer R Vanlalṭanpuii'n Best ANO (Female) a dawng bawk.