Minister-in pharmacist inkhawmpui a hmanpui

Mizoram sorkar pharmacist pawl, Mizoram Government Pharmacists’ Association (MGPA) chuan nimin khan Dawrpui Multipurpose Centre-ah General Conference vawi 16-na an hmang a, Health & Family Welfare minister Lalrinpuii'n a hmanpui.

HFW Minister chuan, pharmacist-te chu damlo enkawlnaah an thawh hlâwk a, mipui tana mi ṭangkai tak an nih thu sawiin, hriselna huanga thiamna leh tih dan thar chhuak zel mila inher rem turin a chah; mipuiin damdawi chawhpawlh dik leh ṭha, an natna enkawlna tur dik tak zel an lei theih nan ṭan lâkpuiah a sáwm bawk.

Lalrinpuii chuan, National Health Mission hnuaia sorkar policy ngaih pawimawh tak zinga mi, Telemedicine-ah hmalakna ṭha zawk a awm theih nan thawhpuiah pharmacist-te a sawm a; Mizoram sorkara thawktu indaih lohna leh department-a pharmacist indaih lohnaah sorkarin theihtawp chhuaha hmalak a tum thu a sawi.

MGPA General Conference-ah hian MGPA president R Rodingliana pawhin thu a sawi a; an member mi pariat pension tawhte chawimawina thilpek an hlan a ni.