Pig society tam thei ang ber din tum

Mizoram Cooperative Siamṭha Pawl (MCSP) hruaitute chuan nimin khan Aizawl Press Club-ah thuthar thehdarhtute an kâwm a; vawk vulhtute inhlàwm khawmna, pig society a tam thei ang ber din tumin nasa taka hmalak mek a nih thu an sawi.

MCSP hruaitute chuan an din chhan an sawifiah a; an sawi danin, kum 2006-ah Mizoram Cooperative Forum (MPF) din a ni a, MPF chuan Mizoram cooperative dinhmun leh cooperative society hrang hrang dinhmunte siamṭhat ṭul hlein a hria a, chuvang chuan state level society board of director-te chuh a, siamṭhat hna thawk turin din a ni.

MCSP hmalaknate sawiin hruaitute chuan, "AMC-in khawpui chhunga vawk vulh an khap a, chuvang chuan pig society a tam thei ang ber din tumin PIGFED board of director-te'n nasa takin hma an la mek," an ti.