SEDP hnuaia thawktu lakte thawh hun chhung pawtsei

School Education depart­ment chuan SEDP hnuaia thawktu lâkte an thawh hun chhung tur a pawt sei. March 15, 2024 khan thawh hun chhung pawhsei a nih thu hriat­tirna chhuah a ni.

School Education depart­ment tarlan danin, SEDP hnuaia DIET-a thawk tura lâk mi paruk, higher secon­dary school zirtirtu 38, high school zirtirtu 298, middle school zirtirtu 209, primary school zirtirtu 495, LDC 51, IV grade 50, an vaiin mi 1,147-te chu an thawh hun chhung tur pawhsei a ni.

Mi 1,147-te chu rua­hmanna hmasaah chuan March 31, 2024 thleng thawk tur an ni a, May 31, 2024 thleng an thawh hun tur pawhsei a ni.

Hetih lai hian, School Education department chuan zirtirtu a nghet lo (casual teacher) lâk thar a tum a, March 15 khan adver­­tis­ment a tichhuak.

Casual teacher lâk thar turte chu high school atan mi 350, middle school atan mi 371 leh primary school atan mi 694 an ni a; ni khatah H/S leh M/S zirtirtute'n Rs 730 an hlawh dawn a, P/S zirtirtute'n Rs 570 an hlawh ang.