AYF-in Global Youth Day an hmang

Adventist Youth Federation (AYF) chuan March 16, Inrinni khan Mizoram hmun hrang hrangah Global Youth Day an hmang a, blood bank hrang hrangah thisen an pek bakah, ṭanpuina eng emaw zat an sem.

AYF hian Global Youth Day hi March thlaah Sabbath ni, Inrinniah an hmang ṭhin a; Day pual hian hmun hrang hrangah ei tur eng emaw zat an sem bakah, khawlaiahte faina leh thianghlimna lam inzirtirna lehkha an sem a ni.

Global Youth Day pual hian AYF chuan Inrinni khan thisen unit 273 an pe. Aizawlah chuan Civil Hospital, Aizawl Blood Bank-ah kalin thisen unit 132 an pe a, petute mipa 117 leh hmeichhia 25 an ni a; Aizawl South AYF-in ZMC Blood Bank-ah unit 71 pein, petute mipa 54 leh hmeichhia 17 an ni.

Lungleia AYF-te'n Lunglei Civil Hospital Blood Bank-ah unit 35 pein, petute mipa 29 leh hmeichhia paruk an ni a; Serchhipa AYF pawhin unit 35 an pe a, petute mipa 20 leh hmeichhia 15 an ni.