Police-in zu leh beer an man

Kolasib police-te chuan March 16, Inrinni tlai dar 4 vel khan Phaisen police checkgate-ah zu dap beihpui an thlak a, Bolero pick-up MZ-07 9631 aṭangin Whisky bâwmpui 100, Rs 1,44,000 man hu leh Kingfisher beer bawm hnih, Rs 5,760 hù an man.

Police-te chuan lirthei khalhtu Munna Khan (38) s/o Sofik Khan leh a thurualpui Kamal Uddin Laskar (29) s/o Asak Ali Laskar, Silchar, Assam mi ve ve an man nghal a, an lakah Vairengte Police Station-ah Mizoram Liquor (Prohibition) Act tlawhchhanin thubuai ziah luh a ni.