Kolkata-ah Chapchar Kût 2024

Calcutta Mizo Welfare Association chuan March 16, Inrinni khan Kolkata Mizoram House, Salt Lake-ah Chapchar Kût an hmang a, Kolkata Mizoram House-a joint resident commissioner Jacob Lalawmpuia kût pa niin, Kolkata leh a chhehvela Mizo ṭhahnem tak an tel. 

Kolkata-a Chapchar Kût hmannaah hian thupui 'Zo nun ze mawi - tlawmngaihna' chungchang inzirtirna hun hman a ni a; hnam lâm leh zai hmangin intihlimna hun hman niin, zanriah kîlho nghal a ni.