Lokayukta chairman thar la lut
Governor Dr Hari Babu Kambhampati chuan nimin tlai khan Raj Bhavan-ah Lokayukta chairman atan Lalmalsawma, IAS (Rtd.) chu rinawmna thu tiamtirin a la lut.
Lak luh inkhawmah hian chief secretary Dr Renu Sharma chuan Mizoram sorkarin Lokayukta chairman atana Lalmalsawma a ruatna lehkha a chhiar chhuak a, chumi hnuah Governor-in rinawmna thu tiamtirin a la lut a ni.
Lokayukta Chairman lak luhna inkhawmah hian chief minister Lalduhoma, Assembly speaker Lalbiakzama, minister-te leh sorkar hotu dangte an tel.
Lalmalsawma hi March 1, 1958-ah a piang a, August 1983 khan IAS-ah tlingin, AMGUT cadre a ni. Sorkar laipui, Goa leh Mizoram sorkarah hna pawimawh hrang hrang a chelh tawh a, November 1, 2024 khan Mizoram chief secretary a ni ṭan a, chief secretary a nih laiin February 28, 2018 khan pension-in a chhuak a ni.