Lokayukta-in Champhai MRB CBI chhuitir turin a rêl

Mizoram Lokayukta chuan Mizoram Rural Bank (MRB), Champhai Branch-ah sum hmanga inbumna a awm niin complaint an dawng a, Central Bureau of Investigation (CBI) chhui turin thutlukna a siam.

Champhai MRB chungchangah hian Lokayukta chuan February 5, 2024 khan complaint an dawng a, an zir chian hnuah CBI-in preliminary enquiry ti se, tiin an rêl. CBI hnenah hian February 15, 2024 khan preliminary enquiry ti tura tihna an thawn tawh.

CBI-in preliminary enquiry report an thehluh hunah Lokayukta chuan thubuai kalpui zel dan turah thutlukna an siam ang.

Lokayukta-in complaint an dawn danin, Champhai MRB-ah hian sum hmanga inbumna a awm a, chuta sum che vel zat chu cheng nuai 2,161 a ni.