India ramah mei zù tamna ber Mizoram

India Today-in a zirchiannaah Mizoram chu India ram state zinga mipui cheng zat aṭanga chhûta mei zù tamna ber state a ni tih tarlan a ni.

India Today hian March 13, 2024 khan No Smoking Day pualin India ram state hrang hrang mei zute dinhmun a zirchianna a tichhuak a; Mizoram chu mei zu tam lamah sáng berin, state mipui zinga 82.5%-in mei an zu ṭhin anga hmuh a ni. Mei zù tlem ber state Tamil Nadu-ah state mipui zinga 14.6% chauhin mei an zu ṭhin thung.

India rama mei zù tamna state panga zingah hmarchhak state pali a lang a; Meghalaya-ah 75.2%, Arunachal Pradesh-ah 70.6% leh Tripura-ah 74.7% a ni. Mei zu tam state panga zinga hmarchhak ni lo chu Jammu & Kashmir niin, mipui zinga 70.3%-in mei an zu ṭhina chhût a ni.

India rama mei zu mite punna rate chu nikum 2023 khan 4.5% a ni a, India ramah kum 15 chin chung lam mi nuai 2,660-in mei an zu ṭhin anga chhût a ni. India chu khawvelah mei zu tamna ber pahnihna a ni bawk.