Thawktu lâkna sût

MZP-in thawktu lakna sût tura an phût hnuah Aizawl Municipal Corporation (AMC) chuan thawktu a lâk tawhna chu an sût a, nimin khan sûtna thupek an tichhuak.

AMC hian tun hnai khan thawktu - geologist pathum leh, urban animal husbandry & veterinary officer, junior engineer leh assistant account officer pakhat ṭheuh an la a; hna lâk danah dan kalha thil tih leh mimal induhsakna a awm ngeia an hriat avangin MZP chuan March 15, 2024 ral hmaa sût turin an phût a ni.