MHIP-in an tawrhpui, pawi an ti

MHIP General Head­quarters chuan thu­chhuah siamin, March 11, 2024-a Lalṭanpuii (41) w/o Chanchinmawia, Lengpui, State Referral Hospital-a nau nei tura kal, ngaihsak a hlawh tâwk loh vanga nau chunga a thi chu pawi an tih thu leh a chhungte an tawrhpui thu an tarlang.

MHIP chuan, "Nau chunga thihna leh van­duaina thleng awm leh ṭhin hi fimkhur a, nunna hlu tak kan chàn tawh lohna turin damdawi-ina thawktu zawng zawngte inenfiah a, ṭan la thar leh tur leh, kan sorkar pawh nau chunga thihna a thlen tawh loh nan hma la turin kan ngen a ni," an ti.

March 16, 2024-a V Lalhmingthangi w/o C Zothanmawia, Tuikual South thihna leh a thih dan chu pawi an tih thu leh a chhungte an tawrh­pui thu MHIP chuan an tarlang bawk a; V Lalhmingthangi thihnaa mawhphurtu nia rin rang taka man a ni chu lawm­awm an tih thu sawiin, pawi khawihtu chu dan anga a phû tâwka hrem ngei turin thu­nei­tu­te an ngen a ni.