Lok Sabha inthlan tur sawiho

Nimin khan Khawzawl district election officer (DEO) K Lalrohlua hoin DC meeting hall-ah political party leh tlawmngai pawl hruaitute'n Lok Sabha MP inthlan lo awm tur chungchang an sawiho.

Khawzawl DEO chuan Lok Sabha inthlana vote a tlak ṭhat theihna atan political party leh tlawmngai pawlte thawhpuina a ngen a, "Lok Sabha inthlan neih tawh ṭhinah Tuichang bial mai ni lo, Mizoram ang pawhin India ram puma vote tla chawhrual phak a ni ṭhin lo. Hemi kawngah hian ngaihtuahna sen a ṭul a ni," a ti.

Meeting-ah hian vote a tlak ṭhat theihna atana hmalakna tur thil hrang hrang an rel. Chung zingah hian Mizoram Peoples’ Forum kaltlanga kohhran tina Vote thlak tura ngenna puanchhuah te, DC hminga vote nei zawng zawngte hnena vote thlak tura ngenna lehkha pekte leh YMA chanchinbu hmanga vote thlak tura inzirtirna tih chhuahte a tel.