KHAWTHLIR

MZU-in thisen pe

Mizoram University NSS chuan nimin khan MZU campus-ah thisen pek rûnpui an huaihawt chhunzawm a, Civil Hospital, Aizawl tan thisen unit 132 an pe a, petute mipa 92 leh hmeichhia 40 an ni. MZU NSS hian March 18, Thawhṭanni khan thisen unit 138 an lo pe tawh.

DEO hoin thu

Aizawl district election officer Nazuk Kumar, bawrhsap hoin nimin khan DC conference hall-ah Lok Sabha inthlanpui neih tura nodal officer leh assistant nodal officer-te an ṭhukhawm. Mawh­phurhna leh chanvo hrang hrang bakah, inthlan muanawm leh felfai nei tura hma­bakte sawiho a ni a, inthlan­pui inbuatsaihna atan team 22 an ruat nghal.

Ui chhuah khap

Serchhip sub-divisional magistrate Rebecca Laldinmawii Hrahsel chuan Serchhip khawpui a thianghlima a hrisel zawkna tur leh mipui vantlang nun a zalena an hrisel zawk theih nan Serchhip khawpui leh a chhehvel khawlaiah ui chhuah khap a nih thu a puang. SDM chuan, "Ui vulhtuten khawlaiah lên chhuahpui an duh chuan thlungin an kài tur a ni. Khawlaiah leh mi in kawtah êktir loh tur a ni a, a neitute'n an ui ekte bawlhhlawh báwmah an paih vek tur a ni," tiin a tarlang.

MSU leh Minister

Mizo Students’ Union hruaitute chuan nimin khan School Education minister Dr Vanlalthlana an hmu a, sorkarin casual teacher a lak tur leh Mizoram Education Service neih dan tur bakah, Study tour atana sum dah tihpun leh college development fund tihlen chungchangte an sawipui.

Lunglei MCMC

Lunglei DEO Ram­din­liani, bawrhsap hoin nimin khan a pisaah District Level Media Certification & Monitoring Committee (MCMC) an ṭhukhawm a; political advertisement a awma pre-certification kalpui dan tur te, 127A Section of The RP Act, 1951 behchhana print leh social media-a paid news leh political advertisement vil dan turte an sawiho.