India Ṭawng Inkhawmpui buatsaih

Bhartiya Bhasha Manch, New Delhi leh sorkar laipui Ministry of Education hnuaia Bhartiya Bhasha Samiti-te chuan India ram hmun hrang hranga zirn-in sangah March 5-20, 2024 chhung khan Bhartiya Bhasha Sammelan (India Ṭawng Inkhawmpui) an buatsaih a; ICFAI University, Mizo­ram­ah pawh tun hnai khan buatsaih a ni.

ICFAI University, Mizo­rama Bhartiya Bhasha Sammelan hmanna hi Jharkhand state-a Sarala Birla University registrar Prof. Vajay Kumar Singh leh NEHU, Shillong-a Department of Hindi head Prof. Hitendra Masha leh Mizoram University-a Mizo department hotu Prof. Laltluangliana Khiangte ten an hmanpui.

Inkhawmpuiah hian Mizo ṭawng leh a péng hrang hrangte pawh India ṭawng a nih avangin zirna-in leh ni tin nuna hman uar deuh deuh a pawimawh thute an sawiho bakah, mithiamte thuziak zirho a ni.