Lunglei SWMC siam mek enfiah

Lunglei Municipal Council (LMC) vice chairman K Lalrinawma chuan March 19, Thawhlehni khan Lunglei leh Hauruang inkara Riangvaite Thlânmual bula Lunglei khawpui bawlhhlawh sâwngbâwlna tur Solid Waste Management Center (SWMC) siam mek a enfiah.

LMC Vice Chairman hi LMC executive councillor Zorinsanga Hmar leh Lalhruaitluang Sailo, councillor Zonunmawii, chief executive officer Donny Lalruatsanga, UDPA officer C Sawihlira ten an ṭawiawm.

Lunglei SWMC siamna atan cheng nuai 600 ruahman a ni a; ruahman ang chuan compose shed, land field, resource center, sanitary platform, site office cum chowkidar quarters, weightbridge, fencing-te siam a ni ang. A panna kawng pawh thawm ṭhat tura ruahman a ni bawk. Hna eng emaw zat thawh tawh a ni.

LMC vice chairman K Lalrinawma chuan, hnathawhte chu ṭha thawhkhata a hriat thu sawiin, hna kal zel turah a nih dan tur ang taka thawh a nih a beisei thu a sawi a; hna enkawltu UDPA department hotute chu uluk taka hna vil turin a ngen.