MCO-in Tourism Minister an kâwm

Mizo Cultural Organi-sation (MCO) hruaitute chuan nimin khan Tourism minister Lalrinpuii a pisaah an kâwm a, Tourism department nena thawhho dan tur an sawipui.

MCO hruaitute chuan, an hmalak tawhnate leh hma­chhawpte Tourism Minister an hrilh a; Minister chuan, hnam nunphung leh tourism chu kal kawp tlat tur a nih thu leh, hnam nunphungin Mizoram tourism hmasawn zelna turah pawimawhna thûk tak a nei thu a sawi.

Lalrinpuii chuan, Mizoram economy nghawng khawp leh ṭhalaite'n eizawnna tam zawk an neihna tura tourism tih­hma­sawn dan turte a sawi bawk.

MCO hruaitute leh Minis­ter hian Tourism depart­ment leh MCO-te mumal taka an thawhho zel theih nan uluk zawka rua­hman­nate siam tura inkawm­ho leh an rawt a ni.