Mizorama HIV vei hmuh chhuah tawhah mipat hmeichhiatna aṭanga kai tam ber

Mizoram State AIDS Control Society (MSACS) chhinchhiah danin, kumin March thla laihâwl thleng khan Mizoramah HIV (Human Immu­node­ficiency Virus) vei mi 29,514 hmuh chhuah a ni tawh a, chu'ng zingah chuan mipat hmei­­chhiatna hman aṭanga kai an tam ber.

MSACS chhin­chhiah danin, Mizoramah HIV vei mi 29,514 an awm tawh a, HIV veite zingah mipat hmeichhiatna hman aṭangin kai an tam ber a, 68% chuang an ni. Mizoramah kum 2005 aṭangin HIV vei chhin­chhiah ṭan a ni.

HIV vei mi 29,514 zinga 27,080 chu mi náwlpui (general client) aṭanga hmuh chhuah an ni a, mi 2,434 chu nau pai hmeichhia endik aṭanga hmuh chhuah an ni thung.

Mizoramah HIV/AIDS vangin mi 4,703 an thi tawh a, chu'ngte chu mipa 3,082, hmei­chhia 1,541 leh naupang 60 an ni.

HIV vei hmuh tawh zinga mi 23,857 chu Anti Retroviral Therapy (ART) la turin an inziak lut tawh a, mipa 14,195, hmeichhia 8,977 leh naupang 685 an ni a; ART damdawi la tawh mi 21,303 awmin, mipa 12,630, hmeichhia 8,044 leh naupang 629 an ni.