Changpât leiṭha zirhona buatsaih

Khawzawla Krishi Vigyan Kendra (KVK) leh North East Initiative Deve-lopment Agency (NEIDA) chuan nimin khan Khawzawl KVK training hall-ah Tuipuiral VDVK Vermicompost Training Programme Pradhan Mantri Janjatiya Vikas Mission (PMJVM) kaltlangin chang-pât leiṭha siam dan zirna an buatsaih.

Changpat leiṭha siam zirhonaah hian Tuipuiral Apple Growers Association hnuaia Leisenzo leh Lianpui khuaa apple chíngtute an tel a; heng khaw pali-ah hian apple chíng chhungkua 220 an awm a, North East Initiative Development Agency (NEIDA) hnuaiah apple chíng tura thlan an ni.

Khaw pali-ah hian kum 2021-ah apple an chíng ṭan a, kum 2025-ah Mizoram chhunga hralh theih beisei a ni a, apple tharte chu organic vek a ni dawn. Apple chíngtute hi NEIDA-in a phun leh enkawlnaah hma an lakpui ṭhin a ni.