BRO hotupa Champhaiah

Border Roads Organisation director general Lt.Gen. Raghu Srinivasan chuan nimin khan Champhai district a tlawh a, district bawrhsap James Lalrinchhana nen an inkâwm.

Lt.Gen. Raghu Srinivasan chuan, kum 1960 chho aṭangin Mizoramah BRTF-in inkalpawhna kawngpui an siam thu sawiin, "Buaina lian tham tâwk loin tun thlengin hna thawh a ni. Khawtlang mipuite'n kan hmalaknate ṭha taka thlawp a, hmasawnna hnathawhnaah ṭhahnemngai taka min ṭawiawm tlat turin ka sáwm a ni," a ti.

Champhai DC chuan, Champhai district-ah BRTF aṭanga thlàwpna ṭha an dawng ṭhin chu lawmawm a tih thu a sawi a; BRTF hnuaia siam tur Zokhawthar leh New Hruaikawn inkalpawhna kawng-

pui leh, Tualcheng leh Pàmchung inkalpawhna kawng siam dan tur chungchang BRFT Director General a sawipui a ni.

Lt.Gen. Raghu Srinivasan hian Zokhawthara Assam Rifles hmunhma leh hmun pawimawh dangte a tlawh bawk a, Project Pushpak chief engineer SP Kolipey leh officer dangte'n an ṭawiawm.